الصلاة والوصول الى الله

انا عارفة كل حاجة عن اهمية الصلاة وانها لازم وانها وانها....
بس انا بجد تعبت من اننا بنقول كلام بشفايفنا بس انا عايزة طريقة
أنا طول اليوم فى أوضتى همى وانشغالى الوحيد باتكلم مع ربنا واقراء بس مش باقف اصلى بالأجبية
عارفة ان الصلاة بالأجبية فيها شكر ومزامير وطلب رحمة و......
بس انا مش حاسة بيها حتى وانا باضغط على نفسى حاسة الكلام مش من جوايا
وبلاش يكون الرد انها حرب من الشيطان انا عايزة طريقة تريحنى فى حكاية الصلاة دى. (دى حاجة)

بعدين انا سعات كتير باطلب من ربنا انا عايزة اسمع صوتة فى اذنى مش هاتقولى اقراء فى الكتاب المقدس والكتب الروحية وأنا هلمس وجود ربنا بأمانة بيحصل بس فى أوقات بابقى عايزة صوتة فى اذنى بجد مسموع وبأبقى عايزة أترمى فى حضنة بجد واحس بلمسة أيدة بتتلف حوليا وانى بجد متكأة على صدرة وفى حضنة

أنا نفسى فى دة ومش عارفة اعمل اية؟
بس نفسى فى طريقة أو فى خطوات مش فى كلام بس لأنى عارفة الكلام بس انا عايزة الطريقة.
(دى الحاجة التانية)

مرسى جدا لو رديتوا عليا وريحتونى
وكفيانى برضة ان انتوا سمعتونى

نانا