نفسى فى نهاية للتعب

انا شاب مسيحى تربيت فى بيت بسيط
واب وام ليس لديهم اى خبرة فى الحياة وعايشين فى الدنيا بالبركة عمرهم ما فكروا فى بكرة ولا يعرفوا حاجة عن المستقبل خلفوا ولدين وبنتين انا واحد منهم
من صغرى وانا بانظر الى عمامى وارى فيهم ما لا اراة فى ابى وهو التخطيط للغد ومستقبل اولادهم كيف يكون
.والدى يعمل حرفى ورزق يوم بيوم .
من صغرى وانا باسمع عمامى وهما متضايقين من ابى وامى وخايفين من انهم هما الى يكلفوا اخواتى البنات فى جوازهم ولما كان حد يساعدة بحاجة كان بيعايرنا احنا بيها.
وكانوا بيعايرونا على انهم معندهمش استعداد يسرفوا على جواز اخواتى البنات .
سمعت معايرات كتير .
وبسب المعايرات دى انا كنت باشتغل من صغرى علشان اساعد اخواتى البنات فى شراء ملابس العيد مثلا علشان ميحثوش بنقص او غيرة او معايرة وكنت مشتريش لنفسى.

ربنا ساعدنى وسافرت لشرم.وكافحت وتبعت كتير كنت بوفر من اكلى .
وقدرت اوفر ثمن تكلفة البنتين بمبلغ20000 عشرين الف جنية بجانب مصاريف اخويا لما كان بالجيش بجانب مساعدة والدى فى مصاريف البيت وكنت تملى بقول انى اكيد ربنا مش هاينسى التعب دة ويكرمنى وفعلا ربنا اكرمنى واشتغلت بوظيفة مرموقة محدش بيشتغلها من غير واسطة بشركة مصر للطيران وشكرت ربنا وكنت متوقع انى خلاص ايام التعب خلصت والايام الى جاية حلوة وابتدى اشوف مستقبلى بعد سنين كتيرا خدتها من التعب

لكن ربنا كان لية راى تانى والدى تعب بمرض خطير والمشكلة تكلفى العلاج عالية بجانب انو مش قادر يشتغل زى الاول وبقى عندى مشكلة تانية جديدة غير تكلفة البنات وعمامى كالعادة اكتفو بانهم يكونو متفرجين على اخوهم وبيتة والحجة المرة دى انى بشتغل فى شركة محترمة ومرتبى خيالى وطبعا كانو بيضافو المبلغ قدام الناس علشان محدش يلومهم مع العلم انهم مرتاحين ماديا جدا جدا .

اوقات كتير اقف قدام ربنا واقول انا مش عارف افهمك انت معايا ولا لا اية اخرة دة كلة وخصوصا انى اخوية حمل زايد عليا البية متدلع ونايم فى البيت

انا مش عارف اعمل اية انا بصرحة ابتديت افقد الثقة فى انى ربنا هايقف معايا فى انى اكون نفسى واتجوز زى اى شاب وابتديت احس بفتور من الصلاة ومن الكنيسة بعد ما كنت فى منتهى الايمان انى ربنا هايساعدنى لانى مش عاوز غير الخير لاهل بيتى ولمستقبلى الاسرى خاصتا انى مش عاوز اكرر نفس ماسأت والدى واتعب اولادى ..

ارجوكم نفسى اعرف اخرة دة كلة اية؟
ربنا بيسمح بالضيقة ؟
ماشى مفيش مشكلة بس لحد امتى وخاصتا انى مليش اى زنب فى الى بيحصل ...

نفسى حد يفهمنى

عزيزى صاحب الرساله (أنظر الى من تالم وعلق على عود الصليب من اجل البشريه بالكامل )
هل له دنب وما هو (مفففففففففففففففففففففففففففففففففففففيش)
اعرفك بان الله له خطه لك عظيمه جدا ومشوار حياتك سياتى بالثمار المطلوبه
ثلاثون وستون ومئه( كما قال الكتاب المقدس )وأصبرولاتياس
وبامانه قصتك هى قصتى بل انت عندك ثلاثه اخوات ولكن
انا كان عندى سبعه اخوات من سن سنه الى سن الرابعه عشره حين توفى والدى سنه 92
خمسه بنات وولدين وكان سنى 23 ووالدى لم يترك لنا شيئ غير المسكن فقط
والان سنه 2008 الكل متزوج واخر واحده فى المعهد
وانا تزوجت عند سن الثلاثه والثلاثين وعندى ثلاثه اولاد وبيت ود كان وعربيه ملاكى (وهدا كله من فضل ونعمه أبوك السماوى )
اجيبنى انت ما رايك فى قصتى
أرجوك أنظر كثيرا الى هده الصور وتدكر (هل تخلى عنك فى يوم والى الابد لن يتخلى عنك )
لانه قال (تاملوا الغربان انها لاتزرع ولاتحصد وليس لها مخدع ولامخزن والله يقيتها كم انتم بالحرىافضل من الطيور- لوقا 12: 24 ) وتدكر دائما ان الله معك ولايتركك ابدا
والرب يرعاك بمحبته ويباركك
لاحلى منتدى
أحد خدام المنتدى
أميييييييييييييييييييييييييين