التفرقه بين الاخوات

موضوع حقيقى ومش قصه بالعكس مأساة حقيقة من ضرب واهانه واتهام تصدقوا ان فى حاجه كده؟ لا صدقوا فعلا فى كده وعشان كده انا بكتبها لان صحبتها بتعانى حاليا من حاله نفسيه
هى فتاة وجدت نفسها بين اسرة محبه لبعضها ولانها كانت اول مولود فكان الاهتمام كله ليها من غير منافس وبعد مااتولدت بثلاثه شهور حملت مامتها فى اخوها فى اهملتها ورضعتها صناعى لحد ماكبروا وماكنش فيه كراهيه بينهم لانه ماينفعش لانهم اخوات لكن كانوا كل مايكبروا كانت المشاكل تزيد بينهم يمكن لحد مادخل اخوها الاعداديه ابتدت المشاكل هو ابتدى يحس انه كبير وكمان اتصاحب على اولاد مش مننا اتغير جدا بقى شايف نفسه راجل وشجعته على كده امه وكانت تقول انا اخاف عليه لحسن لما يزعل يعمل حاجه وحشه واصبحت الام تبتدى تفرق بينهم وحبها يزيد للابن وتنسى بنتها وتزعلها لو زعلت اخوها ولما يبقى اخوها غلطان فى اخته تقسى عليها وتقولها انت عايزاه يسيب البيت عشان يفضى ليكى واصبحت تنسى انها بتكلم بنتها والبنت ابتدت تكره امها واخوها وابتديت تحس انها مش بنت الست دى وانها زى ضرة ليها وهكذا والمشاكل تزيد واتهامات الام تزيد والبنت تتألم نفسيا لدرجه انها اتعذبت جسمنيا بسبب اخوها من امها والموضوع هاتعرفوه واحكموا انتوا لو البنت غلطانه .

فى وقت عيد زى اليومين دول البنت راحت لجدتها هى وامها واثناء ماهما بيتكلموا راحت الام تقول انا مش عندى تلات اولاد بس بحب ابنى ده اكتر من اخواته الاتنين قدام بنتها مفكريتش للحظه ان بنتها ممكن تتعب نفسيا من الكلمه دى واليوم عدى وجه تانى يوم والعيله متجمعه جه تليفون للبنت من اصحابها وقالت هاتنزل تكلم ولدها عشان تستأذن منه عشان تخرج المهم ولدها مارديش عليها فكلمت اصحابها تعتذر وكلمت اصحاب تانى ليها المهم خلصت مكالمتها وهى طالعه العمارة قبلت واحد من زميلها من الكنيسه وقف سلم عليها وبيسالها عن الخدمه واذا كانت سلمت الخدمه ولا لا لانها بتشتغل ومش فاضيه للخدمه وفجأة يجى اخوها من غير ماتشوفه من وراها ويمسكها من القميص بتعها ويشدها فى الشارع قدام زميلها وقدام واحد من الجيران ومكنش منها غير انها تطلع تشكى لامها تخيلوا الرد يكون ايه من امها (يضربك ويكسرك ويعمل اللى هو عايزه ) ويطلع الاخ من الرغم انه عارف زميل اختها وشافه فى البيت عندهم اكتر من مرة ويعرف انه اصغر من اخته الا انه ابتدى يتهم اخته بكلام غير صحيح وكل اللى كان من الام انها تضرب بنتها وتشجع ابنها على ضرب اخته واهانتها وهو مبسوط وبدل ماتقوله لما تشوف اختك بتكلم حد اقف شوف مين ده وبعدين اطلعوا بيتكم واتكلم معاها لا شجعته على ضرب اخته وهى كمان ضربتها ولما تكتفى الام بكده بالعكس دخلت تقول لبنتها انتى مش لقيه نصيبه لاخوكى تخيلوا كده كم الظلم والقسوة من الام واصبحت البنت دلوقتى بتعانى من حالة نفسيه لدرجه انها حاولت الانتحار عشان ترتاح من الظلم ده حقيقى فى امهات كده فعلا فى امهات كده وصدقوا

فى انتظار حل لهذه الفتاة يساعدها على ماهى فيه


اذكرونى فى صلواتكم