مشكله ملهاش حل . مشكلة حطمتنى

انا فعلا فى مشكلة كبيرة ياريت كانت مشكله دى صدمة. باختصار مخطوبة منذ اكتر من ست سنين وكانت بينا محبة كبيرة جدا واتحدينا كل الظروف .وفجاة بعد ما معاد جوازنا قرب وقرب حلم السنين يتحقق...اتقلبت كل الامور راسا على عقب .خطيبى ...اللى كان ...!1!مر بنزوة روحية ..مش عارفة يعنى ايه نزوة روحية بس كلهم بيقولوا كدة ..فجاة عايز يطلع الدير ..والدنيا عنده ولا حاجة ونعيش ليه ونشتغل ليه ونتجوز ليه ...بقى يطلع خلوات وحابس نفسه مش بيكلم حد ...حاولت اتكلم معاه مفيش مش قابل اى حد وبالذات انا طبعا لانى انا المفروض على حد تفكيره الجديد اللى هاقفل فى وشه باب الملكوت .ناس كتير اتدخلت مفيش فايدة كهنة واهل وخدام وغيرهم .المهم انا انسحبت بهدوء لان الموضوع بقى اختيار بين حياه وحياة والحياه دى ربنا وانا مقدرش اوقف فى حاجة زى دى . بس حد يقولى ازاى بعد كل الحب دا ؟ وامتى ظهرت الرغبة دى ؟ وايه الحل ؟ اعمل ايه بعد ما ضاع من عمرى اكتر من 6 سنين وانا مستنية الحلم يتحقق ؟ اتصرف ازاى . انا مصدومة ....دا بالضافة الى ان صعب حد يرتبط بواحدة كانت مرتبطة الوقت دا كله ......حد عنده حل ؟؟؟؟؟؟؟