انا تعبانة اوي

سلام و نعمة
انا محتاجة رايكم اوي معايا فمشكلة حصلت معايا انا كان ليا بنت صديقتي من 3 سنين فأيام ثانوي وكنا صحاب اوي وهي بنت مؤدبة يمكن منفتحة شوية عني لكن كويسة بعد ثانوي كل واحدة دخلت كلية بعيدة عن التانية وبعدنا عن بعض خالص حتي مكنتش بشوفها ولا اعرف عنها اي حاجة وبالصدفة من حوالي شهرين عرفت ايميلها ورجعنا نتكلم واتصاحبنا اكتر من الاول بكتير وبنخرج مع بعض علطول وبتجيلي البيت وبروحلها بس من يومين سمعت حاجة غريبة اوي اوي ماما كنت عند ناس قرايبنا وقريبي ده قالها ان البنت دي مش كويسة وكانت ممسوكة فقضية قبل كده طبعا ماما مقدرتش تسأله فقضية ايه بس من كلامه بان انها قضية كبيرة اداب يعني وجت قالتلي امبارح انا اتصدمت لاني اعرف عنها كل حاجة من ساعة مارجعنا نتكلم وفعلا مؤدبة اوي وملهاش صحاب غيري وفالمدة اللي بعدنا فيه عن بعض كان ليها بنت صحبتها واتوفت فحادثة عربية انا حاولت اتأكد من ناس كانوا بيشوفها فالمدة اللي فاتت كانت حياتها ازاي ناس قالت انها وحشة وناس قالت انها كويسة وانا من امبارح حالتي النفسية وحشة وطول الليل عياط اخواتي وماما سكتوني بالعفية
انا مش عارفة اعمل ايه ومش عارفة اسألها ازاي واكلمها تاني اصلا ولا لا
خايفة اني اسبها وابعد عنها من غير كلام يطلع ده غلط وهي ملهاش اصحاب دلوئتي غيري
وخايفة افضل معاها يطلع عليا انا كلام وحش علشان هي صحبتي لان اللي قال لماما ع الموضوع ده شافني معاها فالشارع وهو طلع يعرفها انها هي اللي اتمسكت فالقضية دي وطلعوها منها بالعفية
محتاجة اعرف رايكم وتساعدوني اخد قرار صح وتصلوا من اجلي وان اعدي الازمة دي لاني تعبانة اوووي