قال كاتب أغاني المغني الشعبي شعبان عبد الرحيم الشاعر إسلام خليل إنه انتهى من تأليف أغنية جديدة عن واقعة ضرب الرئيس الأمريكي جورج بوش بالجزمة فى العراق.
وأضاف خليل فى تصريح لـ "البشاير" أن الأغنية تقول:
خلاص مالكش لازمة يا بوش يا بن اللذينا
تستاهل ألف جزمة عاللي انت عملته فينا
وجه اليوم يا واطي ووشك اتفضح
وشافوك الناس مطاطي من جزمتين شبح
الجزمة كانت مفاجأة كمان زي الزيارة
والدنيا بحالها فرحت والناس فضلت سهارى
يا قلوب كتير حزينة قومي يلا ابتسمي
شوفي بوش وهو خايف والجزمة بتترمي
بصراحة ماقدرش اغشك واقولك زعلت عليك
يا ريتها جت في وشك وخزقت عينيك
صدام اللي انت دبحته في أول يوم العيد
أهو ربك خد بتاره وفي نفس المواعيد
تحية عشان منتظر وتحية لجزمته
فرحنا كتير في بوش في آخر خدمته
بجزمتين في وشك هاتسيب أمريكا على نارك
ويا عيني مش هاتلحق يا بوش تاخد بتارك
في ناس كتير بسببك في الدنيا متبهدلة
بتقول يا ريتها كانت صاروخ أو قنبلة
العالم كله شافك وبالسعادة حس
الجزمة زي الكورة وداخلة في المقص
مليون شهيد وأكتر في الجنة فرحانين
ربك كبير وقادر يهد المتفرعنين
ضيعت شعوب كتيرة من هنا ومن هنا
ومش خسارة فيك جزمة معفنة
وايييييييييييييييييييه
الرئيسية 
أحدث الصور 
التسجيل 
دخول 
الثلاثاء يناير 06, 2009 10:50 am
