اتصدمت فى زوجى( ارجوكم الاهتمام وحد يساعدنى برأية )

انا متزوجة 8 شهور فقط ولكن زوجى للأسف مسافر لإحدى دول الخليج من قبل زواجنا وقضى معى باظبط3 شهور كفترة خطوبة وزواج (مع العلم انة كان زميلا‘ لى بالكنيسة من قبل سفرة ) ولكن مشكلتى فى قسوة زوجى اللى بانت اكتر دلوقتى فهو لا يكفية بعدة عنى ولكن كل ما نزعل اونختلف مع بعض يقاطعنى نهائيا‘ ولا يسأل عنى حتى ولو برنة مما يشعرنى بالحرج امام اهلى ههو ممكن يقاطعنى لمدة اسبوع او 10 ايام او اكثر وعندما اهلى يروا دلك يخافوا انى اكون معاه لوحدى فى الغربة وانا ايضا‘ اصبحت اخاف جدا‘ منى ولا اشتاق له ولا احبة مثل الأول وكله بسبب قسوتة وانه كل مرة لازم انا اللى اعتدر واتأسف لكن هو مايهونش علية يبتدى ولو برسالة واخيرا‘ فهو لا يريدنى ان اشتغل ولا اروح رحلات مع الكنيسة ولا اروح فى اى مكان حجة منه انة بيخاف عليا
بأمانة قبل زواجنا كان واحد تانى غير كدة خالص وكان يصالحنى ويخاف اقاطعة ولو يوم واحد
انا بصراحة ندمانة جدا‘ على ارتباطى به وادينا زعلانين وفى عيد داخل علينا و احنا برضو بعيد عن بعض
نفسى تشوفولى حل وتقولولى ازاى اتعامل مع القسوة دى وعدم اهتمامة بيا انا ابتديت ادور عالحب والحنية دى برة لكن طبعا‘ من غير ما زعل ربنا
ارجوكم اهتموا وردوا عليا
وصلوا كتير م اجلى ومن اجلة l

اهلا و سهلا بيكى اختى الفاضلة
كيرمينا
نورتى المنتدى و المنتدى بيرحب بيكى كأخت و صديقة دائما للمنتدى
و كل سنة وانتى طيبة بمناسبة بداية صوم عيد الميلاد و قرب راس السنة الميلادية و عيد الميلاد اعادة الله عليكى بالسعادة و الفرح دائما دة اولا.
ثانيا اختى الفاضلة هناك فرق كبير بين الخطوبة و الزواج فى الخطوبة الواحد بيظهر انه جميل ورائع و بيظهر بس الاشياء الحلوة امام خطيبته و العكس لكن بعد الزواج تظهر المفاجأت .اختى الفاضلة كيرمينا انا محتاج اعرف منك معلومات كتيرة و منها اية علاقتك مع الرب و هل انتى منتظمة فى قراءة الكتاب المقدس و الصلاة ........الخ.
و ايضا انا انصحك ان تصلى و تصومى انقطاعى من اجل زوجك و على فكرة الصلاة بالايمان بتعمل معجزات و بتنقل الجبال و تقفل السماء و تفتحها و تغير الناس و الظروف و كمان حبى زوجك و قدمى له الحب الدائم و لاسف اول سنة فى الزواج هى سنة كل المشاكل لعدم فهم الزوجين لبعض و كمان بليز علشان خاطر الرب اتمسكى بالرب كتير لانك انتى لسة زوجة شابة و ليكى احتياجات عاطفية و جسدية و محتاجة هذة الاحتياجات ان تسدد عن طريق زوجك فقط.
اشجعك بقراءة الكتاب المقدس و الصلاة مع الصوم لعدة ايام و ممكن تقرائى المعجزات و الاختبارات اللى فى المنتدى
و شوفى ازاى الرب بيغير لصوص و خطاة و غيرهم ولان زمن المعجزات منتهاش لان الرب هو هو أمس و اليوم و الى الابد فى امل فى المسيح يوجد رجاء
فحضن المسيح هتلاقى الراحة
لانه هو الوحيد
اللى قال الى يا جميع المتعبين و ثقيلى الاحمال و انا اريحكم
اختى / كير مينا لو احتاجتى لمزيد من الارشاد ممكن تاخدى رقم الموبايل للأتصال بينا من باب خدمتنا.
لكى اختى / كيرمينا
مع تحياتى و شكرا
مدير
المنتدى

الاخت المحبوبة فى يسوع المسيح كيرمينا
انت فى بداية المشوارالاسرى
طبعأانتى قراتى فى الانجيل كتير انا مش هوعظك ولكن
انظرى الى هدةالصورة بكل معانيها
بفكرك وعقتك وقلبك ايضا وتدكرى انة لايترك اولادة حزانى
بلامكثى فى عرش النعمة وصلى الى ابوكى السماوى واحنا هانصلى معاكى وربنا يتمجد
وتدكرى القديسة مونيكا صلت من اجل اوغسطينوس

كام سنة 20سنة انا مش بفول عليكى لالالالالا انا عايزك تصبرىمع بالصلاة والداء بالشكر ارب المجد
وصدقينى حمامة الوح القدس هترفرف فى عش الزوجية باعكم
ونور المسيح هينور حياتكم
وربنا يرزقكم بملائكة المسيح
من اخ لاختة اوعى تلجئى للشارع فى حل مشاكلك هو دة الشارع امين
انا بكلمك عن تجربة لانة مرة على نفس تجربتك صديق لى وزوجتة والبيوت اسرار
والحمدوالشكر لرب المجد استقروا حياتهم تمام فى المسيح يسوع
ا بكلمك بامانة الراجل مننا بيحب الست تجرى ورائه
عايزاقولك نصيحة اخوية شدى وارخى بمعنى لاتهتمى بة للفتره وتابعية فى نفس الوقت بطريقة غير مباشره
حتى لا تفقدية يا
ملحوظة انا متزوج وعندى ثلاثة بنات

جومانة جوليانة جاكلين

وشكرألاحلى منتدى
بمناسبة عيد الميلادالمجيد كل عام وانتم بخير جميعأ
والى اللقاء القادم
والرب يرعاكم جميعا
امين

برافووووووووووووووووووووووووو عليك يا أخ / أشرف
تعليقك جميل و رائع و انا استفت منه بجد
و الرجاء متحرمناش من مشاركاتك و خبرتك فى الحياة
لك الرب يباركك و يبارك كل اسرتك
جومانة و جاكلين و جوليا
و المدام و حضرتك
منتظرين دائما تعليقاتك الجميل.
لك
مع تحياتى و شكرا
مدير المنتدى