تحتاج النفس المتعبه دائما الى من يريحها ووقت احتياجى كتبت هذا

محتاج لك بكل ما فيا محتاج ليك يا فاديا



محتاج لايدك تمسك فيا انا محتاج لك يا فاديا



ف اشد العوزة يا رب ليك وقت الضعف والتنهيد



وقت البكاء والالام كتر الهموم والاحزان



وقت الحوجه لصدر حنون وقت الضعف ووقت الخوف



ساعه لما الفكر احتار وعايز القلب يقول اسرار



لما احتاج لايد ترفعنى لما بكون فى قمه ضعفى



ابعد قوام من الى وضعنى اجرى واروح للى صنعنى



محتاج انسان حنان يطبطب على كتفى



محتاج لأيد دافيه تمسح دمعتى من على خدى



وان احتاجت احتاج لمين غير للراعى الامين



غير لاب الرحيم الى سامحنى ياما كتير



محتاج لك من كل اعماقى تيجى وتملى قلبى الفاضى



تيجى تمسك ايدى تاخدنى وامشى معاك فى طريق افراحى



لما المحنه بتقوى عليا وسنون الشوك تقطع فياا



احتاج والقى عنيك عليا والقى اديك دى حواليا



لما اندة لك ربى ارتاح انسى قوام كل الجراح



احس يا ربى انى فى حضنك احس كانى الابن الضال



وانسى ايام عصيان وصاياك لما بعدت ورحت هناك



وقت الشهوة كنت انساك جيت تحاسبنى قلت سماح



وانا الان محتاج لرعايتك محتاج يا ربى افضل جمبك



اكتب اسمى فى وسط شعبك خدنى معاك تعبت فى بعـــدك