أنا عاطل

:( :( :(
أنا عاطل ...مش لاقي شغل..دا لسان حال كتير من الشباب وممكن يكون حالك انت كمان.

دا حتى قال البعض ان البطالة يمكن توصل عام 2010 في البلاد العربية لـ 25 مليون واحد.

طب الواحد يعمل ايه؟ ويفكر ازاي؟ ويشتغل ايه؟مين يمسك بإيديَ ويعديني من أزمة نقص الوظايف؟ أنا عاوز أتجوز؟ أنا عايز أعيش؟ الأسعار كل يوم في العالي والناس الغلبانة بتلالي. فين الحل ؟



أخويا الشاب أنا مش هقولك وصفة حلوة ولا تعويزة تتطلعك من اللي انت فيه . بس هقولك تجربتي الشخصية في كلمات قليلة .

+ أنا شكرت : شكرت ربنا على كل أحوالي وحتى ولو كانت صعبة وصدقت انه بيعمل ديماً للخير .

+ أنا سلمت : سلمت أمري لربنا واتكلت عليه زي ما قال في الكتاب المقدس " توكل على الرب بكل قلبك وعلى فهمك لا تعتمد في كل طرقك اعرفه وهو يقوم سبلك " أمثال 3: 5- 6 . وبعدين ..

+ أنا فكرت : فكرت بطريقة ايجابية وبعدت عن النظرة التشاؤمية وقلت لنفسي " أنا أقدر أحقق ذاتي ومش هيأس "

+ أنا اتحركت : اتحركت هنا وهنا ورضيت بشغلانة بسيطة في الأول لغاية ما كبرت فيها جداً .

+ أنا جاهدت : جاهدت ان أحافظ على مكانتي في العمل وان أكون مخلص فيه .



وأخيراً أخويا الغالي ...إرفع عينيك من على المنظور وصدق انه فيه اله قدير بص لإلهك فيه أمل لأنه هو الأمل هينور قدامك بشعاع الأمل .